നോവലിസ്റ്റ്, ചലച്ചിത്രകാരന് എന്നീ നിലകളില് സമകാലിക ടിബറ്റന് സംസ്കാരത്തിന്റെ അന്ത:സത്ത തിരിച്ചറിഞ്ഞ് പുറം ലോകത്തിനു മുൻപിൽ കൊണ്ടു വന്ന പ്രധാന വ്യക്തികളില് ഒരാളാണ് പെമ സെഡെന്. കുടുംബാസൂത്രണത്തിനായി ചൈന ഏര്പ്പെടുത്തിയ ഒറ്റ-ശിശു നയത്തിന്റെയും ബുദ്ധമത വിശ്വാസങ്ങളുടെയും ആചാരങ്ങളുടെയും കഷ്ടപ്പാടിന്റെയും പരിശോധനയാണ് ബലൂൺ എന്ന ചിത്രം.ഈ നയത്തിലൂടെ സ്ത്രീകള്ക്ക് അനുഭവിക്കേണ്ടി വരുന്ന ആത്മസംഘര്ഷങ്ങളെക്കുറിച്ചാണ് സിനിമ വിശകലനം ചെയ്യുന്നത്. മേഘാവൃതമായ ഒരു തിരശ്ശീല സ്ക്രീനിനെ പൊതിഞ്ഞു നില്ക്കുന്നു. രണ്ട് കുട്ടികളുടെ കൈയിലുള്ള ബലൂണുകളാണവ. അവര് അത് പറത്തി കളിക്കുന്നു, എന്നാല് അവരുടെ അച്ഛന് ഇത് കാണുമ്പോൾ അവരെ ശാസിയ്ക്കുകയും ബലൂണുകള് കുത്തിപ്പൊട്ടിക്കുകയും ചെയ്യുന്നു. കുട്ടികള് കളിച്ചു കൊണ്ടിരുന്ന ബലൂണ് അവരുടെ മാതാപിതാക്കള് സൂക്ഷിച്ചിരുന്ന അവസാനത്തെ രണ്ട് കോണ്ടം ആയിരുന്നു. ചെമ്മരിയാടുകളാല് ചുറ്റപ്പെട്ട വിശാലമായ സ്ഥലത്ത് താമസിക്കുന്ന ഡാര്ഗ്യേയും ഭാര്യ ഡ്രോള്ക്കറും വളരെ കഷ്ടപ്പെട്ട് കുടുംബം മുന്നോട്ട് കൊണ്ട് പോകുന്നു . ചെമ്മരിയാടുകളെ വളര്ത...